Tegese Tembung

Tembang 1

nganglang = mengelilingi

jagad = dunia

bokor = tempat air

kencana = emas

tetulak = penolak bala

kalawan = serta

bageanipun = bagiannya

Tembang 2 
tuhu = bersungguh-sungguh

sagung = sebanyak banyaknya

pepacuh = larangan

tansah = senantiasa

tumindak = bertindak

tumraping = kepada, bagi

bebrayan agung = masyarakat banyak

tumanduke = sasarannya

tan = tidak

adamel = berbuat

awon = jelek

Tembang 3
yekti = sesungguhnya

gesang = hidup
tekeng = sampai
yeku = yaitu
mastani = namanya
nulya = lalu

ngancik = mencapai

warsi = tahun
puput = putus

yuswa = umur

Tembang 4
ingaranan = dinamakan

angudi = mencari

madya = tengah

pamulangan = pendidikan
den = di

udi = cari
kaprigelan = keterampilan

makarti = membuat
kawruh = ilmu
kinarya = menjadi

gesang = hidup
bebrayan = hidup bersama

pala krami = menikah
mangkana = begitulah

tumrap = bagi

Tembang 5
lamun = jika

sayekti = benar-benar

mrang = kepada

nesepi = menyusui
ngantos = sampai

yuswa = umur

tekeng = sampai

warsi/ warsa = tahun
wus = sudah

tumekeng = sampai

Tembang 6
tri = tiga

kalangkung = banyak kelebihan
jembar = luas

anguripi = menghidupi
papan = tempat

ngayom = berteduh

Tembang 7
wus = sudah

dadya = menjadi

karsa = kehendak

Hyang Widhi = Tuhan
tumanduk = kepada/ bagi

Kawula = rakyat
tumrap = bagi

jalu = laki-laki

pawestri = perempuan
lamun = jika

titi mangsa = masa
andon asmara = mencintai
tumuju = menuju

bebrayan agung = kehidupan bermasyarakat
murih = meraih

gesang = hidup

bagya = bahagia

Tembang 8
lamun = jika

arsa = berkehendak

palakrami = menikah
tumrap = bagi

jalu = laki-laki
aywa = jangan

ugerane = aturannya
wewarah = ajaran

lebda = pandai
jangka = langkah

olah = membuat

bebrayan = rumah tangga
nora = tidak

pakolehe = hasil

prenah = menempati, masuk

Tembang 9
pinujul = unggul
Marga = karena

klawan = serta

piranti = alat

Tembang 10
Dedalane = jalannya

guna = kepandaian

lawan = serta

sekti = kelebihan
andhap asor = rendah hati

luhur = baik

wekasane = akhirnya
Tumungkul = menunduk

dipundukanni = dimarahi
Ruruh = sabar

sarwa = dan juga

wasis = pintar
Samubarangipun = semuanya

Tembang 11
gugur gunung = kerja bakti

mangkir = tidak masuk
Amrih = supaya

kasembadan = terlaksana
Wisma = umah

asri = indah

kaeksi = terlihat

• At 21.54
• Leave a Comment

Read More

KAWRUH TEMBANG MACAPAT

 

A.   Tegesipun Tembang Macapat

Tembang/sekar  inggih  menika  reriptan  utawi dhapukaning  basa  mawi paugeran  tartamtu (gumathok) ingkang pamaosipun kedah dipunlagokaken nganggé kagunan swanten (Padmosoekotjo,1960: 25). Macapat menika sekar tradhisional ing tlatah Jawa. Macapat ugi mrathah wonten ing kabudayan Bali,  Madura, saha  Sunda. Menawi  dipuntingali  saking  kérata  basa,  macapat  menika tegesipun  maca  papat-papat. Maosipun  sekar  macapat  pancèn  wonten  ingkang  rinakit  saben sekawan wanda (suku kata). Nanging boten sedaya gatra sekar macapat saged kawaos papat-papat.

Sekar  menika  kinten-kinten  tembé  kémawon  wonten  ing pungkasaning jaman Majapahit saha wiwitan  wali sanga  nyepeng  kuwasa.  Nanging menika  ugi dèrèng mesthi,  amargi boten  wonten ingkang  gathuk  saged  mesthèkakén.  Macapat  kathah  dipunanggé  ing sapérangan  Sastra   Jawa Tengahan lan Sastra Jawa Énggal.

Menawi dipunsandhingaken kaliyan Kakawin, paugeran-paugeran utawi  metrum  ing sekar macapat langkung gampil. Kitab-kitab jaman Mataram Énggal, kadosdéné Wédhatama, Wulangrèh,   Serat  Wirid  Hidayat  Jati,  Kalatidha,  saha  sanès-sanèsipun  dipunrakit nganggé sekar macapat.

 

B.   Paugeran Tembang Macapat

Paugeran-paugeran menika wonten ing:

1.       Guru gatra        : cacahing wilangan larik/gatra saben pada (basa Indonesia: bait).

2.       Guru wilangan : cacahing wilangan wanda (Indonesia: suku kata) saben gatra.

3.       Guru lagu         : tibané swara ing pungkasaning saben gatra.

 

C.    Jinis lan Tegesipun saben tembang Macapat

Panyekaring tembang macapat menika temtunipun kedah kaselarasaken kaliyan titilaras (notasi), laras, saha pathetipun gamelan. Déné urut-urutanipun sekar macapat menika sami kaliyan lampahing manungsa saking jabang bayi  abang dumugi tumekaning pejah. Mungguh urut-urutanipun sekar, kadosta mekaten:

1.  Maskumambang. Gambaranipun jabang bayi ingkang  taksih wonten ing kandhutan ibunipun, dèrèng  kawruhan   jalèr  utawi  èstri.  Mas  tegesipun  dèrèng  ningali  kakung  utawi  èstri, kumambang tegesipun gesang ngambang wonten ing kandhutan ibunipun.

2.       Mijil. tegesipun sampun miyos saha cetha kakung utawi èstri.

3.   Sinom. tegesipun kanoman, minangka kalodhangan ingkang paling wigati kanggenipun tiyang anom supados saged ngangsu kawruh sakathah-kathahipun.

4.    Kinanthi. Saking tembung kanthi utawi tuntun ingkang ateges dipuntuntun supados saged mlampah ngambah panguripan ing alam ndonya.

5.   Asmarandana.   Ateges   rasa   tresna,  tresna   marang   liyan  (jalèr  saha   èstri  saha   kosok wangsulipun) ingkang sedaya wau sampun dados kodrat Ilahi.

6.   Gambuh.  Saking  tembung  jumbuh/ sarujuk  ingkang  ateges bilih sampun jumbuh/ sarujuk lajeng  dipungathukaken  antawisipun  kakung  saha  jaler  ingkang  sami-sami  nggadahi raos tresna wau, ing pangangkah supados sageda gesang bebrayan.

7.     Dhandhanggula. Nggambaraken gesangipun tiyang ingkang saweg remen, menapa ingkang dipungayuh saged  kasembadan. Kelakon gadhah sisihan/ kulawarga, gadhah putra, gesang cekap  kanggé   sakulawarga.   Pramila   menika   tiyang   ingkang   saweg   bungah/ bombong penggalihipun, saged dipunwastani sekar dhandhanggula.

8.  Durma. Saking tembung darma/ wèwèh. Tiyang bilih sampun rumaos kacukupan gesangipun, banjur tuwuh raos welas asih marang kadang mitra sanèsipun ingkang sawe nandhang katresnan, pramila  banjur  tuwuh raos  kekarepan  darma/ wèwèh marang sapadha-padha. Sedaya   wau   dipunsengkuyung   ugi   saking piwulangipun   agami  saha  watak sosialipun manungsa.

9.   Pangkur.  Saking  tembung  mungkur  ingkang  ateges  nyingkiri  hawa  nepsu  angkara murka. ingkang dipunpenggalih kekarepan tansah wèwèh marang sapadha-padha.

10.  Megatruh. Saking tembung megat roh utawi pegat rohipun/ nyawanipun, awit sampun titi wancinipun katimbalan marak sowan mring Sang Maha Kawasa.

11.   Pocung. Bilih sampun dados layon/ mayit banjur dipunbungkus mori putih utawi dipocong sadèrèngipun kasarèkaken.

 

Saged ugi kababar kados mekaten:

Manungsa lair ing ngalam donya medal saking guwa garba (Mijil), nalika taksih alit kedah dipuntuntun utawi dipunkanthi (Kinanthi), bilih sampun mudha taruna (Sinom), gadhah raos tresna utawi  paring  katresnan   marang   tiyang  sanès  (Asmaradana).  Ingkang  saweg  nandhang  asmara swasananipun ketingal éndah saha manis (Dhandhanggula). Sasampunipun mengku kulawarga kedah mangertos (Gambuh) marang prakaraning gesang. Menawi  sampun sepuh gesang bakal ngambang (Maskumambang) menggalih donya saha akhérat. Tambah sansaya mundur  (Durma) mungkur ing kadonyan  (Pangkur)  ngadhepi akhérat  mula  gentur ngibadah.  Sasampunipun pejah  ateges  pegat ruhipun (Megatruh). Banjur dibuntel utawi dipunpocong (Pocung).

 

D.  Tabel Tembang Macapat

Supados  langkung  gampil mbédakakén  setunggal saha  setunggalipun,  inggih menika  guru gatra, guru wilangan saha guru lagu saking sekar-sekar wau, saged dipuntata jroning tabel kados ing ngandhap menika:

Guru gatra, guru wilangan, saha guru lagu tembang macapat

NO

Jenengé Tembang

Guru Gatra

Guru wilangan

Guru Lagu

1

2

3

4

5

6

7

8

9

10

1.

Maskumambang

4

12i

6a

8i

8a

2.

Pocung

4

12u

6a

8i

12a

3.

Gambuh

5

7u

10u

12i

8u

8o

4.

Megatruh

5

12u

8i

8u

8i

8o

5.

Mijil

6

10i

6o

10e

10i

6i

6u

6.

Kinanthi

6

8u

8i

8a

8i

8a

8i

7.

Asmaradana

7

8i

8a

8e/o

8a

7a

8u

8a

8.

Durma

7

12a

7i

6a

7a

8i

5a

7i

9.

Pangkur

7

8a

11i

8u

7a

12u

8a

8i

10.

Sinom

9

8a

8i

8a

8i

7i

8u

7a

8i

12a

11.

Dhandhanggula

10

10i

10a

8e

7u

9i

7a

6u

8a

12i

7a

(((

E. Watek/ Watak Tembang Macapat

NO	Jenengé Tembang	Watek lan Panggangone
1.	Maskumambang	Awatak nelangsa, kanggo medharake rasa prihatin
2.	Pocung	Awatak kendho tanpa greget, sembrana
3.	Gambuh	Awatak wani wanuh, kulina, lan raket
4.	Megatruh	Awatak sedhih, kanggo medharake rasa memelas, getun, prihatin
5.	Mijil	Wetuning rasa, mangayu bagya
6.	Kinanthi	Awatak seneng, tresna, asih
7.	Asmaradana	Awatak sedhih, sengsem, prihatin
8.	Durma	Awatak galak, nantang, nesu, lan muntab
9.	Pangkur	Awatak sereng, kejem, lan nantang
10.	Sinom	Awatak grapyak, renyah lan sumanak
11.	Dhandhanggula	Awatak kewes, luwes, lan resep

F. Tuladha Tembang Macapat

Tembang 1
aja turu sore kaki

ana dewa nganglang jagad

nyangking bokor kencanane

isine donga tetulak

sandhang kalawan pangan

yaiku bageanipun

wong melek sabar narima

                    (Teges Tembung)

Tembang 2 
tuhu tresna nyingkiri sagung pepacuh

tansah tumindak kang becik

tumraping bebrayan agung

tumanduke mring sesami

tan suka adamel awon

                    (Teges Tembung)

Tembang 3
yekti gesanging manungsa
saking lahing tekeng balig
yeku tataran sepisan
dene ingkang kaping kalih
masa mudha mastani
ngantos kawandasa taun
nulya ngancik diwasa
kawandasa swidak warsi
sepuh saking swidak tekeng puput yuswa

                    (Teges Tembung)

Tembang 4
ingaranan masa mudha
wajibe angudi ngelmi
ing madyane pamulangan
kapinteran trus den udi
kaprigelan makarti
ulah rasa ngudi kawruh
kinarya sangu gesang
bebrayan apala krami
lan mangkana wajibe tumrap pra mudha

                    (Teges Tembung)

Tembang 5
lamun sayekti diwasa
ketingal gangsal prakawis
sepisan nyokuri nikmat
syukur mring tyang sepuh kalih
mrang ibu kang nesepi
ngantos yuswa tigang taun
sing bocah trus diwasa
tekeng kawan dasa warsi
wus sempurna tumekeng sewidak warsa

                    (Teges Tembung)

Tembang 6
kang kaping tri tresna mring nagarinipun
bekti mring ibu pertiwi
indonesia kalangkung
jembar subur anguripi
ya ing kono papan ngayom

                    (Teges Tembung)

Tembang 7
wus dadya karsa Hyang Widhi
tumanduk para kawula
tumrap jalu pawestrine
lamun teka titi mangsa
padha andon asmara
tumuju bebrayan agung
murih gesang bagya mulya

                    (Teges Tembung)

Tembang 8
lamun arsa palakrami
tumrap ing jalu wanita
aywa ninggal ugerane
wewarahe para lebda
jangka olah bebrayan
nora becik grusa grusu
pakolehe bisa prenah

                    (Teges Tembung)

Tembang 9
Kabeh iku mung manungsa kang pinujul
Marga duwe lahir batin
Jroning urip iku mau
Isi ati klawan budi
Iku pirantine ewong

                    (Teges Tembung)

Tembang 10
Dedalane guna lawan sekti
Kudu andhap asor
Wani ngalah luhur wekasane
Tumungkula yen dipundukanni
Ruruh sarwa wasis
Samubarangipun

                    (Teges Tembung)

Tembang 11
Ayo kanca gugur gunung bebarengan
Aja ana kang mangkir
Amrih kasembadan
Tujuan pembangunan
Pager apik dalan resik
Latar gumelar
Wisma asri kaeksi

                    (Teges Tembung)



G. Gladhen Nembang Macapat

Irama lan tembang Jawa menika anggadhahi gatra-gatra pentatonis lan laras. Cacahipun laras wonten kalih, inggih menika laras slendro kalihan laras pelog. Wonten ing laras slendro, urutan gatranipun 1 2 3 5 6 (ji ro lu ma nem), dene urutan gatra ing laras pelog inggih menika 1 2 3 4 5 6 7 (ji ro lu pat ma nem pi).

Saben laras anggadhahi tigang pathet. Laras slendro pathetipun wonten pathet nem, pathet sanga lan pathet manyura. Laras pelog pathetipun inggih menika pathet bem, pathet nem lan pathet barang. Wonten ing tembang macapat, syair lagu dipunwastani cakepan.

Sakderengipun nembang macapat, wonten perkawis ingkang kedah dipun gatosaken kangge nyinau praktik nembang macapat, inggih menika:

1. jangga dipun tarik ingkang jejeg, boten ndhungkluk
2. vokal kedah ingkang los(las-lasan, cetha, prasaja anggenipun nyekar), boten dipun damel-damel
3. menawi pinuju nyekar, napas dhadha saha padharan prelu dipuntata
4. langkung prayogi lenggah sila tumpang, boten ngadeg
5. Laras menika rasa thinthinganipun swanten andhap ngantos swanten inggil
6. Titi Laras menika angka minangka gentosipun laras
7. Pathet menika ukuran andhap lan inggilipun swanten kangge nglagokaken tembang
8. Cengkok inggih menika lak-luking swanten kangge nglagokaken tembang
9. Wilet menika variasi titi laras ing pangolahing cengkok.

Megatruh Laras Pelog Pathet Barang

7   5    6     7     7     6   7  5    3      5  6    7

tu-hu tres-na nying-ki-ri sa-gung pe-pa-cuh

7      7   7     7     6     6    76   5
tan-sah tu-min-dak kang be-cik

2      35    5   5    5    6   6    6
tum-rap-ing be-bra-yan a-gung

3     2     2   2      2     2  32  7
tu-man-du-ke mring se-sa-mi

3     5   6  6  7    5   65     32
tan su-ka a-da-mel   a - won

Hakikat Tembang Macapat

• Materi Bahasa Jawa
• At 21.45
• 5 comments

Read More